“Erasmus+ KA2” ტიპის პროექტის “STEM4Humanities” პირველი სამუშაო შეხვედრა გაიმართა ქალაქ მაცერატაში, იტალიაში, მიმდინარე წლის 8 და 9 თებერვალს. 7 ქვეყნის წარმომადგენელი 8 სხვადასხვა ორგანიზაციით დაკომპლექტებულმა კონსორციუმმა სტარტი აიღო STEM (ინგლ. Აბრევიატურა – “მეცნიერება, ტექნოლოგია, ინჟინერია და მათემატიკა”) უნარების ჰუმანიტარულ და სოციალურ პროგრამებში ინტეგრაციის საფუძველზე ტრანსფორმაციული ცვლილებების დანერგვისათვის. 

იტალიის, საბერძნეთის, ლიეტუვის, პოლონეთის, უკრაინის, საფრანგეთისა და საქართველოს უნივერსიტეტების, არასამთავრობო ორგანიზაციებისა და კოლეჯების წარმომადგენელთა შეხვედრა ემსახურებოდა პროექტის გუნდის წევრთა შორის თანამშრომლობის სულისკვეთების ხაზგასმას. შეხვედრაზე პარტნიორებმა განიხილეს პროექტის საწყისი აქტივობების სამოქმედო გეგმა. გარდა ამისა, აღნიშნული დიალოგი ფოკუსირებული იყო თითოეული პარტნიორის გამოცდილების შესწავლაზე და იმ უნიკალურ ღირებულებაზე, რომელსაც ისინი ანიჭებენ პროექტს უმაღლეს განათლებაში არსებული ძირითადი გამოწვევების გადასალახად.

“STEM4Humanities” პროექტის განხორციელების დასაწყისიდანვე კონსორციუმის წევრები გამოთქვამენ მზადყოფნას, მნიშვნელოვანი ცვლილებები შეიტანონ უმაღლეს განათლებაში და გააფართოვონ ჰუმანიტარული და სოციალური მეცნიერებების პროფესორებისა და სტუდენტების მოქმედებათა დიაპაზონი.